الصيف ايه غير كنافة بالمانجا
الصيف ايه غير كنافة بالمانجا
المقادير
نص كيلو كنافة
معلقتين كبار سمنة
نص كوباية شربات تقيل ساقع (شيرة او قطر)
ربع كريم شانتيه
مانجا مقطعة مكعبات
هنضع السمنة علي الكنافة ونحمرها لحد لونها مايكون ذهبي او نضعها في صينية وندخلها الفرن ونقلبها كل فترة لحد ماتوصل بردو للون الذهبي 😊 هننزل عليها وهي سخنة بالشربات الساقع ونقلبها كويس ونتركها تبرد بعد كدا نفرمها في الكبة او نفركها بايدينا عشان تكون مفلفلة هنجهز طبق بيركس او اي طبق للتقديم ونعمل راق كنافة وراق كريمة وراق مانجا وهكذا ونزين الوش الاخير بشرائح المانجا مع الكنافة وبالهنا والشفا😊
الكريم شانتيه (كريم ويب)
بنضرب بالمضرب الكهربائى كوب كريم شانتيه خام مع كوب لبن مع ٣ ملاعق سكر
