ياتري ايه #السر اللي بيخلي #الفراخ #المشويه اللي بنشتريها من بره طريه
ياتري ايه #السر اللي بيخلي #الفراخ #المشويه اللي بنشتريها من بره طريه واللي بتعملها في البيت بتكون بتشد⁉️
هرد اجابه قاطعه ومفصله عن السؤال ده .
الحقيقه هما خمس اسرار
السر الأول👌
أن الفراخ تبات في الفريزر ليله أو أكثر التجميد بيخلي الانسجه بتاعه الفراخ طريه وبيخليها تستوي اسرع واول ما تمسكيها بايدك كدا تلاقيها اتفتت من كتر الطراوه👌
السر التاني👌
اضافه الزبادي في التتبيله..الزبادي أو اللبن الرائب بيخلي الفراخ طريه جدااا طب ولا غني عنه في الفراخ المشويه طب لو مش موجود وعندي لبن اعمل ايه⁉️
هتجيبي كوب لبن عليه معلقه خل وتسيبيهم عشر دقائق هتلاقيه بقا لبن رايب بس كدا وتستخدميهم اظن مفيش اسهل ولا ابسط من كدا...
السر التالت👌
استخدام الخل في التتبيلة ..الخل بيعمل علي تحلل البروتينات الموجوده في لحم الفراخ بيخليها طريه جدا👌
السر الرابع.👌
.استخدام الليمون في التتبيلات مفعوله زي الخل بالظبط👌
لكن ملحوظه هاااااامه. نستخدم الخل والليمون بالعقل لان لو زودنا الكميه زياده عن اللازم بيعمل نتيجه عكسيه انا قلت اهوه👌
السر الخامس👌
تسويه الفراخ علي ڼار متوسطه مايله الي هاديه 👌 التسويه علي ڼار عاليه بتخلي الفراخ لحمتها تشد فسيبيها براحتها كدا عالهادي يا زبادي 😋
طب فيه حجات تانيه بتخلي انسجه الفراخ طريه جدا زي الاناناس والكيوي والمانجو تخيلوا اه والله
الانزيمات الطبيعيه الموجوده فيهم بتخلي الانسجه القاسيه تتحلل وتبقا طريه خالص وجربو مره عصير الاناناس في التتبيلات.
